Xırdalanın mərkəzi yolları zibilliyə çevrilib - İcra hakimiyyəti hara baxır? - VİDEO

Xırdalan şəhərində tullantılar vaxtında yığışdırılmadığı üçün küçələr zibilliyə çevrilib. Bu barədə şəhər sakinləri redaksiyamızın qaynar xəttinə şikayət ünvanlayıblar. Onlar bildirir ki, normalda hər gün və ya günaşırı zibil yeşikləri xüsusi avtomobillərlə yığışdırılmalıdır. Lakin zibillər günlərlə yığışdırılmadığı üçün səkilər, yollar zibil poliqonuna çevrilib. Oxucuların Nizami Gəncəvi və Mehdi Hüseynzadə küçələrinin müxtəlif yerlərindən çəkdikləri görüntülərdən də aydın şəkildə görünür ki, aşıb-daşmış zibillər piyadaların yolunu kəsib. Hətta külək əsən zaman yığılmış zibillər avtomobil yollarına da səpələnir.

Bu mənzərənin yaşanması Xırdalan şəhərində ilk dəfə deyil. Dəfələrlə sakinlər zibillərin yığılıb qalmasından şikayətlənirlər. Çox təəssüf ki, Abşeron rayon İcra Hakimiyyəti və Mənzil Kommunal İstehsalat Birliyi bu mənzərəyə göz yumur. Nəticədə Xırdalan insana şəhəri yox, zibilliyi xatırladır. Havaların isti keçməsi isə ətrafa üfunət yayır.

Leyla