Yol qəzasında 10 yaşlı övladını itirən ananın acı dolu müraciəti - VİDEO

Yol qəzaları... Yanan canlar, qaralan həyatlar, yarımçıq qalmış arzular... Təbii ki, heç kim qəza tərəfdarı deyil. Bəzən qəza qaçılmaz olur. Nə qədər özünü qorusan belə bir gün başqasının səhvi ucbatından sən də əzizlərini itirirsən.

Fəridə Süleymanova qəzada 10 yaşlı övladını itirib. Sükan arxasında yuxulayan sürücü başqa bir avtomobil ilə toqquşub. Zərbənin gücündən həmin avtomobil havaya qalxıb və Fəridə xanımın olduğu maşının üzərinə düşüb. Nəticədə 10 yaşlı övladı həyatını itirib.

Təbii ki, qəzalardan qaçmaq üçün sürücü və piyada məsuliyyəti ilk növbədə olmalıdır. Təəssüflər olsun ki, son zamanlar qəzaların sayı artmaqda davam edir. Xüsusilə yay aylarında, həftə sonları ölümlə nəticələnən qəzalar çoxalıb.

Sürücü və piyadaların yol-hərəkəti qaydalarına riayət etməməsi nəticəsində qaralan insan talelərinə biganə qalmayaq. Qaydalara əməl edək ki, nə özümüzün, nə də digərlərinin ölümü, yaralanması, əlil olması ilə nəticələnən hadisələr baş verməsin.

Orxan Əli