Elektrik enerjisindən istifadə qaydaları DƏYİŞDİRİLDİ - RƏSMİ

Azərbaycanda elektrik enerjisindən istifadə qaydalarında dəyişiklik olunub.

Avtosfer.az xəbər verir ki, bununla bağlı Baş nazir Əli Əsədov qərar imzalayıb.

Dəyişikliyə əsasən, 200 kVt-dan yuxarı elektrik qurğularına münasibətdə sifarişçi öz elektrik qurğularına baxış keçirmək və istismara buraxılış aktı almaq üçün həmin qurğuları və müvafiq sənədləri Enerji Məsələlərini Tənzimləmə Agentliyinə təqdim etməlidir.

Həmçinin bundan sonra 150 kVt-dan deyil, 200 kVt-dan yuxarı elektrik qurğularının istismara buraxılış aktının verilməsinə görə “Dövlət rüsumu haqqında” Azərbaycan Respublikasının Qanunu ilə müəyyən edilmiş məbləğdə dövlət rüsumu tutulacaq.