Bakıda qırmızı işıqda keçən piyada elə hadisə yerində CƏRİMƏLƏNDİ - VİDEO

Paytaxtın Səbail rayonunda qayda pozan piyada avtomobilin kamerasına düşüb.

Avtosfer.az xəbər verir ki, hadisə oktyabrın 9-da saat 15:57 radələrində Səid Rüstəmov və Mixail Lermontov küçələrinin kəsişməsində qeydə alınıb. Videodan göründüyü kimi, işıqforun qırmızı işığında yolu keçən gənc oğlan həm özünü, həm də sürücüləri təhlükəyə atıb. Xoşbəxtlikdən sürücülər dayanaraq ona yol veriblər. Hadisənin şahidi olan yol polisi piyadanı dərhal saxlayaraq ona xəbərdarlıq edib və qayda pozuntusuna görə cərimə tətbiq edib.

Piyadalar işıqfor siqnallarına riayət etməli, yol hərəkəti qaydalarını pozmaqdan çəkinməlidirlər. Bu, onların və sürücülərin təhlükəsizliyini təmin edir.

Nərmin