Bakıda ötmə edən sürücü maşını piyadanın üzərinə sürüb təhlükə yaratdı - VİDEO

Paytaxtın Sabunçu rayonunda qayda pozan sürücü piyadanı vurmaqdan son anda xilas olub. 

Avtosfer.az-ın məlumatına görə, hadisə ötən ilin oktyabr ayında Əjdər Məlikov küçəsində qeydə alınıb. Hərəkətdə olan 90-DL-780 dövlət nömrə nişanlı “Fiat” markalı avtomobilin sürücüsü ötmə qaydasını pozub. Belə ki, o, yol kənarıyla gedən piyadaya əhəmiyyət vermədən öndəki nəqliyyat vasitəsini sağdan ötməyə çalışıb. Təhlükəylə üz-üzə qalan piyada vaxtında qaçaraq qəzadan son anda xilas olub.

Qeyd edək ki, “Yol hərəkəti haqqında” qanuna əsasən, sürücü girmək istədiyi hərəkət zolağının ötmə üçün kifayət edəcək məsafədə boş olduğuna əmin olduqdan sonra ötmə əməliyyatını icra etməlidir. 

Nərmin