Bibiheybət yolunu yarış meydanına çevirən sürücü baxın necə “hoqqa” verdi - VİDEO

Paytaxtın Bibiheybət yolunda kobud qayda pozan sürücü özünü videoya çəkərək “TikTok” sosial şəbəkəsində paylaşıb. 

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Videodan göründüyü kimi, 77-PH-694 dövlət nömrə nişanlı “Khazar” markalı avtomobilin sürücüsü ardıcıl olaraq manevr qaydasını pozub. Belə ki, o, maşınların arasından gah sağa, gah da sola keçib və bu baxt digər hərəkət iştirakçılarına qəza şəraiti yaradıb.

Qeyd edək ki, qayda pozan sürücü yol boyu digər avtomobillərə təhlükəli anlar yaşadıb. 

Təəssüf ki, sürücülərin əksəriyyəti sürücünün törətdiyi xətanı manevr qaydasının pozulması kimi düşünürlər. Lakin bu, qayda pozuntusu olduqca təhlükəlidir və avtoxuliqanlıq hesab olunur.

Nərmin