Bina sakinləri blokun girişini kəsən sürücüyə görün necə dərs verdilər - FOTO

Paytaxtın Binəqədi rayonu İbrahimpaşa Dadaşov küçəsində dayanma-durma qaydasını pozan sürücü kütləvi narazılığa səbəb olub.

Bu barədə izləyicilərdən biri Avtosfer.az-ın “Whatsapp” ünvanına fotoşəkillər göndərib. Belə ki, 99-LX-907 dövlət nömrə nişanlı “Mercedes” markalı maşının sürücüsü avtomobili 91 nömrəli binanın 1-ci blokunun girişində park edib. Şikayətçinin sözlərinə görə, o, nəqliyyat vasitəsini səhər saatlarından axşama qədər sözügedən yerdə saxlayıb. Nəticədə sürücü, bina sakinləri bloka daxil olmasına çətinlik yaradıb. Qayda pozan sürücü yaxınlıqda olmadığı üçün sakinlər “Xahiş edirik avtomobilinizi yaşayış blokunun qarşısında saxlamayın” yazaraq maşınının şüşəsinə yapışdırıblar.

Qeyd edək ki, qanunvericiliyə görə, avtomobili girişlərin, habelə darvazaların qarşısında park etmək qadağandır.

Nərmin