Bütün qaydaları pozan sürücü yol polisini görəndə "ayaqları əsdi" - 77-KK-814 - VİDEO

Bakıda qaydaları kobud şəkildə pozan sürücünün videosu avtomobildəki kameraya qeyd olunub. Avtosfer.az xəbər verir ki, hadisə martın 3-də paytaxtın Füzuli və Abdulla Şaiq küçələrində qeydə alınıb.

Belə ki, 77-KK-814 qeydiyyat nişanlı "BMW" markalı avtomobilin sürücüsü Füzuli küçəsində sürət həddini aşaraq qarşıdakı avtomobildən yol istəyib. O, küçənin sonuna qədər sol zolaqdakı avtomobillərdən yol verməyi tələb edib. Abdulla Şaiq küçəsi ilə kəsişməyə çatan zaman isə ən sol zolaqdan qəfil sağa dönərək təhlükəli manevr edib. Halbuki, yolun kənarına yerləşdirilmiş nişanlardan aydın şəkildə görünür ki, sol iki zolaq yalnız geriyə dönmək üçün, sağ iki zolaq isə yalnız sağa hərəkət etmək üçün nəzərdə tutulub.

Bütün qaydaları pozaraq önə keçməyə çalışan sürücü Abdulla Şaiq küçəsinə döndükdən sonra isə yol polisi əməkdaşlarını görərək sürətini kəskin şəkildə azaldıb. Beləliklə, tələsik hərəkət edərək hamıdan önə keçmək istəyən bu sürücü əslində istədiyinə nail ola bilməyib və sonda hamıdan geridə qalıb.

O, daha sonra qarşısında sürəti azaldan sürücünün arxasında dayanmaq əvəzinə qəfildən sol zolağa yerdəyişmə edərək arxadan gələn digər sürücüyə təhlükəli anlar yaşadıb.

Sözügedən videonu təqdim edirik.

Fərid