Gəncədə "avtoş"luq edən xanım blogerin görüntülərinə DİN-dən REAKSİYA - VİDEO - YENİLƏNİB

Daxili İşlər Nazirliyi (DİN) Gəncədə xanım bloqerin avtoxuliqanlıq etməsi ilə bağlı görüntülərə münasibət bildirib.

DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov bildirib ki, hazırda Gəncə Şəhər Baş Polis İdarəsinin Dövlət Yol Polisi Şöbəsində həmin görüntü ilə bağlı araşdırma aparılır:

“Tezliklə sürücü barəsində qanunamüvafiq tədbir görüləcək”.

(oxu.az)

***

Gəncədə şou göstərən xanım sürücünün videosu sosial şəbəkədə yayılıb. Avtosfer.az xəbər verir ki, 60-BV-560 qeydiyyat nişanlı "VAZ 2107" markalı avtomobilin xanım sürücüsü sosial şəbəkələrdə gündəm olmaq üçün müxtəlif riskli manevrlər edib. O, davamlı olaraq manevr qaydalarını kobud şəkildə pozaraq şou xarakterli hərəkətlər edib.

Son zamanlar xanım sürücülərin "VAZ" markalı avtomobil idarə etmələrinin şahidi oluruq. Onlar bu markalı avtomobillə daha tez gündəmə düşürlər. Bu səbəbdən də şou göstərməklə daha çox baxış yığmağa və gənclər arasında populyarlıq qazanmağa çalışırlar.

Nərmin