İşıqforda gözləmək istəməyən sürücülər “Ukrayna dairəsi”ndə sıxlığa səbəb olur - FOTO

Azərbaycanda yanacaqdoldurma məntəqlərinin (YDM) yaratdığı vəziyyət ölkənin nəqliyyat infrastrukturuna ciddi ziyan vurur.

Avtosfer.az xəbər verir ki, Bakının Xətai rayonunda yerləşən yanacaqdoldurma məntəqəsinin giriş hissəsi küçədəki işıqfordan əvvəl yerləşdirilib.

Belə ki, rayonun Məhəmməd Hadi küçəsi "Ukrayna dairəsi" yanında yerləşən “İST Petrol” yanacaqdoldurma məntəqəsinin girişi svetafordan əvvəl gəldiyinə görə sürücülər qırmızı işıqda gözləməkdənsə, məntəqənin ərazisindən keçib yollarına davam edirlər. İşıqfor xüsusən dairədə vəziyyəti tənzimləmək məqsədilə quraşdırılsa da qaydalara əməl etməyən sürücülər ərazidə sıxlığın yaranmasına səbəb olur.

Bununla yanaşı məntəqə bütövlükdə yolun kənarını zəbt edir. Səki olmadığı üçün piyadalar yanacaqdoldurma məntəqəsinin içi ilə gedirlər.

Ukrayna dairəsində yol hərəkətinin təkmilləşdirilməsi zamanı bu problemlər də nəzərə alınmalı idi.

Yeri gəlmişkən, YDM-lərin əksəriyyətində oxşar vəziyyətdir. Səkilər olmadığı üçün piyadalar rahat şəkildə hərəkət edə bilmirlər.

Səfər