Kobud qayda pozan təlimçi irad bildirən həmkarına baxın necə “dərs” keçdi - VİDEO

Paytaxtın Xətai rayonu, İnqilab İsmayılov küçəsində qayda pozan sürücülük təlimçisi avtomobilin kamerasına düşüb.

Avtosfer.az-ın məlumatına görə, hadisə oktyabrın 14-də günorta saatlarında qeydə alınıb. Videodan göründüyü kimi, 90-LE-364 dövlət nömrə nişanlı “Opel” markalı avtomobilin sürücüsü əks istiqamətli yola çıxaraq hərəkət edib və bu zaman qarşıdan gələn maşına qəza şəraiti yaradıb. Qəzadan yayınmaq üçün qəfil sağa manevr edən təlimçi həmin zolaqdakı avtomobili sıxışdırıb. Daha sonra təhlükəylə üzləşən xanım təlimçi ona yaxınlaşaraq iradını bildirib. Lakin sürücü irada cavab vermək əvəzinə, öz hərəktini müdafiə etməyə çalışıb.

Qanunvericiliyə görə, təlim avtomobilləri də ümumi istifadə üçün nəzərdə tutulan yollarda hərəkət qaydalarına tam riayət etməlidir.

Nərmin