Marketə gedən sürücü avtomobilini qarajın girişində saxladı - 20-FD-429 - FOTO

Paytaxtın Nəsimi rayonu, Nəsib bəy Yusifbəyli  küçəsində dayanma-durma qaydasını pozan sürücü görüntülənib.

Bu barədə izləyicilərdən biri Avtosfer.az-ın “İnstagram” ünvanına fotoşəkillər göndərib. Belə ki, 20-FD-429 dövlət nömrə nişanlı “Hyundai” markalı avtomobilin sürücüsü maşını yeraltı qarajın girişində park edib. Nəticədə o, qarajdan çıxan və daxil olmaq istəyən sürücülərin hərəkətinə əngəl törədib. Şikayətçinin iddiasına görə, yaxınlıqdakı supermarketə gedən sürücü maşını qarajın girişində dəqiqələrlə saxlayıb. 

Xatırladaq ki, məhdudlaşdırılmış ərazilərdə - məktəblərin, xəstəxanaların, yaşayış binalarının və yeraltı parkinqlərin qarşısında avtomobil saxlamaq qanunla qadağandır və buna görə sürücülər məsuliyyətə cəlb olunurlar.

Nərmin