Maşını pilləkəndə park edən sürücü uşaqlı kişinin yolunu kəsdi - FOTO

Paytaxtın Yasamal rayonu “Yeni Yasamal” yaşayış massivində qayda pozan sürücü piyadaların yolunu kəsib. 

Xoşagəlməz halla bağlı izləyicilərdən biri Avtosfer.az-ın “İnstagram” ünvanına fotoşəkillər göndərib. Belə ki, 77-DC-865 dövlət nömrə nişanlı “Toyota Prius” markalı avtomobilin sürücüsü “Etalon” MTK ilə “Albalı” uşaq bağçasının kəsişməsindəki pilləkəni zəbt edib. Şikayətçinin sözlərinə görə, sözügedən avtomobilin sahibi demək olar ki, hər gün maşını pilləkəndə park edir. Nəticədə izləyici əl arabasında gəzdirdiyi azyaşlı övladıyla birlikdə 10 dəqiqədən çox vaxt əziyyət çəkdiyini bildirib.  

Nərmin