Maşınına sayrışan işıq quraşdırıb görüntülərini paylaşdı - VİDEO

Sürücü qayda pozduğu videoları sosial şəbəkə hesabında paylaşıb.

Avtosfer.az-ın məlumatına görə, 67-CA-079 dövlət nömrə nişanlı “Ford” markalı avtomobilin sürücüsü maşının ön alın şüşəsinə operativ nəqliyyat vasitələri üçün nəzərdə tutulmuş göy və qırmızı sayrışan işıq siqnalları quraşdırıb. Belə ki, müxtəlif vaxtlarda qeydə alınmış görüntülərdə sürücünün sayrışan işıq siqnallarından mütəmadi olaraq istifadə etdiyi görünür. 

Qeyd edək ki, İnzibati Xətalar Məcəlləsinin 342.9-cu maddəsinə əsasən, nəqliyyat vasitələrinin müvafiq icazə olmadan xüsusi (çox avazlı) səs və ya sayrışan işıq siqnalları ilə təchiz edilməsinə görə 500 manatdan 800 manatadək məbləğdə cərimə nəzərdə tutulur.

Nərmin