Nömrəsiz maşının qabağını qaldırıb dayanacağı zəbt edən SÜRÜCÜ SAXLANILDI - VİDEO

Bakı şəhər Dövlət Yol Polisi İdarəsindən Avtosfer.az-a bildirilib ki, həmin sürücü saxlanılaraq avtomobili duracağa yerləşdirilib. Sürücü konstruksiya dəyişikliyinə yol verdiyi üçün, barəsində inzibati tənbeh tədbiri görülüb.

***

Yol hərəkəti qaydalarını kobud şəkildə pozan sürücünün videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə Xəzər rayonu Binə qəsəbəsində qeydə alınıb.

Belə ki, 99-ZL-267 qeydiyyat nişanlı "VAZ 2107" markalı avtomobilin sürücüsü dayanma-durma qaydasını pozaraq avtobus dayanacağını zəbt edib. Sürücünün konstruksiya dəyişikliyi edərək avtomobilin önünü qaldırması videogörüntüyə əks olunub. Redaksiyamıza müraciət edən oxucu bildirir ki, həmin sürücü hər gün avtomobili bu vəziyyətdə idarə edir.

Ümid edirik ki, sürücü tez bir zamanda aşkar edilərək barəsində qanunamüvafiq qaydada tədbirlər görüləcək.

Fərid