Ölkəmizin qanunlarını saymayan səfirlik sürücüsü: "Kruq" plyonka ilə qaydaları pozur - VİDEO

Paytaxtın Üzeyir Hacıbəyli küçəsində yerləşən Cavanşir körpüsü söküldükdən sonra hərəkətin təşkilinə müəyyən dəyişikliklər edildi. Avtosfer.az xəbər verir ki, yenidən qurulan yolda sol zolaq yalnız sola dönənlər üçün təşkil olunub. Buna dair müvafiq yol nişanları da quraşdırılıb. Lakin sürücülər kütləvi şəkildə qaydaları pozurlar. Belə sürücülərdən birinin görüntüsü avtomobildəki kameraya düşüb. Hadisə sentyabrın 5-də qeydə alınıb. Rumıniya səfirliyinə məxsus 062 D 003 qeydiyyat nişanlı "Nissan" markalı avtomobilin sürücüsü sol zolaqla hərəkət edərək bütöv xəttin üzərindən sağ zolağa keçib. Bu zaman o, digər sürücülərin qarşısına keçərək onlara maneə yaradıb.

Eyni zamanda qeyd edək ki, həmin avtomobilin bütün şüşələrinə qanunla tətbiqinə icazə verilməyən plyonka çəkilib. Qanunvericiliyə əsasən, plyonka yalnız arxa və arxa yan şüşələrə çəkilə bilər.

Fərid