Önündəki maşınla “yarışa girən” sürücü əks yola çıxıb təhlükə yaratdı - VİDEO

Paytaxtın Görədil-Novxanı yolunda kobud qayda pozan sürücü görüntülənib.

Bu barədə izləyicilərdən biri Avtosfer.az-ın “İnstagram” ünvanına video göndərib. Hadisə oktyabrın 14-də saat 08:51 radələrində qeydə alınıb. Belə ki, 90-UO-853 dövlət nömrə nişanlı “KIA Cerato” markalı avtomobilin sürücüsü əks istiqamətli yola çıxaraq axına qarşı hərəkət edib. Kadrdan göründüyü kimi, o, öndəki maşını ötmək istədiyi üçün əks yola keçib və bu vaxt qarşı tərəfdən gələn maşına qəza şəraiti yaradıb. 

Belə halların xüsusilə dar və sıx hərəkətli yollarda ciddi təhlükə törətdiyi məlumdur. Qayda pozuntusu təkcə sürücünün özünü deyil, eyni zamanda digər yol hərəkəti iştirakçılarının da həyatını risk altına salır.

Nərmin