Parkinq var, amma sürücülər yenə də səkidə park edir - VİDEO

Uzun müddətdir paytaxtın bir sıra küçə və prospektləri istər iaşə obyektləri, istərsə də avtomobil idarəçiləri tərəfindən bu və ya digər üsullarla zəbt edilir.

Bununla bağlı Prezident İlham Əliyevin də yanvarın 30-u müvafiq sərəncam imzalayıb və bu sənəddə səkilərin zəbtinin qarşısının alınması məqsədilə aidiyyəti qurumlara müvafiq addımların atılması tapşırılıb.
Avtosfer.az xəbər verir ki, Bakının Nərimanov rayonu Əhməd Rəcəbli küçəsində sürücülərin səkini zəbt etmə halı adiləşib.

Belə ki, “Montin parkı” adlanan əraziyə paralel məhəlləarası yolda “Azparkinq”in parklama məntəqələri olsa da, sürücülər əlavə xərclərdən yaxa qurtara bilmək üçün səkiləri özəlləşdirməyi üstün tutublar. 90-EO-022 qeydiyyat nişanlı “Honda”, 90-VV-663 qeydiyyat nişanlı “Volkswagen”, 90-TB-119 qeydiyyat nişanlı “Toyota”, 90-SC-849 nömrəli “Nissan”, 77-SE-418 nömrəli “Audi”, 10-OK-090 nömrəli “Mitsubishi”, 90-YG-310 nömrəli "VGV" və 77-HC-333 nömrəli “BMW” markalı nəqliyyat vasitələrinin idarəçiləri maşını səkidə parklamaqla küçədən istifadə edən piyadaların da hərəkətinə maneə yaradırlar.

Qeyd edək ki, qaydaları bu cür pozan sürücülər İnzibati Xətalar Məcəlləsinin 346.9-cu maddəsinə əsasən, nəqliyyat vasitələrinin səkilərdə dayanma və durmasına görə 60 manat və əlavə olaraq 2 balla cərimə olunur.

Səfər