Polisin tələbinə tabe olmayan sərxoş sürücü həbs edildi

Bakıda sərxoş halda avtomobil idarə edən sürücü inzibati qaydada həbs olunub.

Avtosfer.az xəbər verir ki, Bakı Şəhər Dövlət Yol Polisi İdarəsinin əməkdaşları tərəfindən keçirilən tədbir zamanı "Volksvagen" markalı, 90-CC-534 dövlət qeydiyyat nişanlı avtomobilin sürücüsü Eyvaz Kərimov saxlanılıb. Müəyyən edilib ki, sürücü nəqliyyat vasitəsini sərxoş vəziyyətdə idarə edib və polisin qanuni tələbinə tabe olmayıb.

Faktla bağlı İnzibati Xətalar Məcəlləsinin müvafiq maddələri ilə protokol tərtib olunaraq baxılması üçün məhkəməyə göndərilib. Məhkəmənin qərarı ilə Eyvaz Kərimov inzibati qaydada həbs edilib.