Qanunu "tərsinə" oxuyan sürücü: Dönmə işığını yandırıb sürücülərin üzərinə sürdü - VİDEO

Bakıda manevr qaydasını pozan sürücü digər hərəkət iştirakçılarına təhlükə yaradıb. Avtosfer.az xəbər verir ki, hadisə fevralın 19-da, paytaxtın Rövşən Cəfərov küçəsində qeydə alınıb.

Belə ki, 99-YJ-537 qeydiyyat nişanlı "Chevrolet" markalı avtomobilin sürücüsü öncə görüntünü qeydə alan maşının zolağına keçərək onu sıxışdırıb. Sonra isə dönmə işığını yandıraraq qarşısına keçib. Sürücü düşünür ki, dönmə işığını yandıran zaman üstünlüyə malik olur.

Onun belə düşündüyünü növbəti addımından hiss etmək olur. Görüntüdən də aydın şəkildə görünür ki, sürücü 100 metr qarşıda dönmə işığını yandıraraq sağ zolağa yerdəyişmə edir. Bu zaman həmin zolaqdakı "Mercedes" markalı avtomobilin sürücüsünü sıxışdıraraq təhlükə yaradıb.

Fərid