Qaranlığa qərq olmuş qəsəbədə “ruh kimi” hərəkət edən yük maşını - 18-ZG-391 - VİDEO

Paytaxtın Qaradağ rayonu, Sahil qəsəbəsində təhlükə yaradan yük maşını avtomobilin kamerasına düşüb.

Bununla bağlı izləyicilərdən biri Avtosfer.az-ın “Whatsapp” ünvanına video göndərərək məlumat verib. Kadrda 18-ZG-391 dövlət nömrə nişanlı yük maşınının sürücüsünün işıq cihazlarından istifadə etmədən hərəkətdə olduğu görünür. Nəticədə o, digər hərəkət iştirakçılarına və yolu keçən piyadalara təhlükə yaradıb. İzləyicinin sözlərinə görə, qəsəbədə yük maşınlarının sürücüləri demək olar ki, hər gün yol qaydalarını pozurlar. O, xüsusilə “TIR”ların dar küçələrdə park edildiyini və bu səbəbdən çətinliklə üzləşdiklərini bildirib.

Eyni zamanda yolun işıqsız olduğu və işıqqaytarıcı elementlərin quraşdırılmadığı videoda aydın şəkildə əks olunub.

Nərmin