Qayda pozan sürücü hələ özünə haqq qazandırdı: “Niyə üstümə dırmaşırsan” - VİDEO

Paytaxtın Yasamal rayonu, Əbdülvahab Salamzadə küçəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə sentyabrın 28-də saat 15:19 radələrində qeydə alınıb. Videodan göründüyü kimi, 77-SO-416 dövlət nömrə nişanlı “Toyota” markalı avtomobilin sürücüsü manevr qaydasını pozub. Belə ki, öncədən düzgün zolaqda yerləşməyən sürücü hərəkət istiqamətini dəyişmək üçün sağ zolağa keçməyə cəhd edib və bu zaman görüntünü qeydə alan sürücünü sıxışdırıb. Sonda o, qəfil manevr edərək sağ zolağa keçib.

Ardınca sürücülər arasında mübahisə yaranıb. Qayda pozan sürücü “İki zolaqlı yoldur, çək sağa maşınını sürdə. Niyə üstümə dırmaşırsan?” deyərək özünə haqq qazandırıb. Qarşı tərəf isə “Sağa çəkməyə məcburam? Sən mənim üstümə dırmaşırsan, mən öz yolumla gedirdim” deyə ona cavab verib.

Nərmin