Qaydaları pozub hərəkətə çətinlik yaratdı, amma iradı qəbul etmədi: "Sən polissən?" - FOTO

Qaydaları pozan sürücü digər insanların qəzəblənməsinə səbəb olub. Bu barədə oxuculardan biri fotoşəkillər çəkərək Avtosfer.az-ın qaynar xəttinə göndərib. Bildirilir ki, hadisə yanvarın 25-də, paytaxtın Xətai rayonu, Cavanşir küçəsində qeydə alınıb.

Belə ki, 10-AZ-393 qeydiyyat nişanlı "Toyota" markalı avtomobilin sürücüsü dayanma-durma qaydasının iki halını pozub. O, həm piyada keçidinin üzərində dayanaraq piyadaların yolunu kəsib, eyni zamanda kəsişməyə 5 metrdən yaxın dayanaraq sağa dönən avtomobillərin hərəkətinə mane olub. Redaksiyamıza müraciət edən oxucu baş verənləri qeydə alaraq məsuliyyətsiz sürücüyə irad bildirib. Ancaq sürücü qaydaları pozduğunu qəbul etmək və üzr istəmək əvəzinə, özünü haqlı göstərməyə çalışıb. “Sən polissən mənə irad bildirirsən?” kimi cavab verərək, etdiyi qanun pozuntusunu ciddiyə almadığını nümayiş etdirib.

Fərid