Qırmızı işığa səbri çatmayan sürücü əks yola çıxıb tıxac yaratdı - 77-OJ-446 - VİDEO

Paytaxtın Nərimanov rayonunda qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə sentyabrın 21-də saat 17:15 radələrində, Əbdüləzəl Dəmirçizadə və Təbriz küçələrinin kəsişməsində qeydə alınıb. Videodan göründüyü kimi, 77-QJ-446 dövlət nömrə nişanlı “Changan” markalı avtomobilin sürücüsü əks istiqamətli yola çıxıb.

Belə ki, o, işıqforun qırmızı işığında dayanmayaraq qarşı tərəfə keçib. Daha sonra yaşıl işığın yandığını görən sürücü yenidən öz zolağına qayıdıb və bu vaxt həmin zolaqdakı avtomobillərin hərəkətini ləngidib.

Təəssüf ki, bəzi sürücülər sıxlıq zamanı qayda pozaraq həm təhlükə yaradır, həm də tıxacın uzanmasına səbəb olurlar. Bu isə digər sürücülər tərəfindən mədəniyyətsizlik kimi qiymətləndirilir.

Nərmin