Qırmızı işıqda dayanmayan "BMW" sürücüsü yolu kəsdi - 90-LP-111 - VİDEO

Xırdalanda yol hərəkəti qaydalarının kobud şəkildə pozulması nəticəsində təhlükəli vəziyyət yaranıb. Avtosfer.az xəbər verir ki, hadisə Heydər Əliyev prospekti ilə Mehdi Hüseynzadə küçəsinin kəsişməsində baş verib.

Hadisə zamanı 90-LP-111 dövlət nömrə nişanlı "BMW" markalı avtomobilin sürücüsü işıqforun qırmızı işığını görməzdən gələrək yolayrıcına daxil olub. Bu qayda pozuntusu yalnız onun öz təhlükəsizliyini deyil, həm də digər hərəkət iştirakçılarının həyatını riskə atıb.

Yol hərəkəti üzrə mütəxəssislər hər zaman qeyd edirlər ki, işıqforun siqnallarına əməl etməmək yol-nəqliyyat hadisələrinin baş verməsinə səbəb olan əsas amillərdən biridir.

Könül Rauf