Sərxoş “BMW” sürücüsü yol polisinə gərgin anlar yaşatdı – Təqib zamanı qəza - VİDEO

Polisdən qaçan sərxoş sürücü qəza törədib. Avtosfer.az xəbər verir ki, hadisə Türkiyənin Bursa şəhərində baş verib. Məlumata görə, İnegöl rayonunda yol polisi əməkdaşları 06-DU-624 dövlət nömrə nişanlı “BMW” X5 markalı avtomobili saxlayıblar. Sənədləri yoxlandıqdan sonra alkoqol testindən keçirilən sürücü qəfil avtomobilinə minərək qaçıb. Təqib zamanı avtomobil idarəetmədən çıxaraq yol ayrıcına çırpılıb və zərbənin təsirindən təkəri partlayıb. Buna baxmayaraq, sürücü bu cür hərəkətinə davam edib. Lakin çox keçmədən saxlanılıb. 1.90 promil sərxoş olan sürücüyə ümumilikdə 500 manat cərimə yazılıb.

O, daha sonra ifadə vermək üçün polis bölməsinə aparılıb.

Namiq Musayev