Sola keçmək istəyən sürücü yolboyu dirəşdi, sonda isə qəza törətdi - 77-HS-558 - VİDEO

Paytaxtın Sabunçu rayonu, Bakıxanov qəsəbəsində qayda pozan sürücü qəzaya səbəb olub.

Zərərçəkmiş sürücü bu barədə Avtosfer.az müraciət edərək video göndərib. Hadisə sentyabrın 13-də saat 15:10 radələrində Gənclik prospektində qeydə alınıb. Kadrdan da göründüyü kimi, 77-HS-558 dövlət nömrə nişanlı “Nissan Patrol” markalı avtomobilin sürücüsü dəfələrlə manevr qaydasını pozub. Belə ki, sola keçmək istəyən sürücü həmin zolaqdakı maşını sıxışdırıb. Görüntünü qeydə alan sürücü onun zolağa keçməsinə şərait yaratmasa da, qayda pozan şəxs bir neçə dəfə cəhd edib. Hətta o, sonda anidən manevr edərək avtomobilə maddi ziyan vurub.

Şikayətçi ünvana çatdıqda maşının sağ tərəfində əzilmə və cızıqlar aşkar edib. Hadisədən sonra o, ərazi üzrə aidiyyəti orqana müraciət edib. Faktla bağlı araşdırma aparılır.

Nərmin