Sükanı azyaşlıya verib həyatlarını təhlükəyə atdılar - VİDEO

Sürücü avtomobili azyaşlı övladına həvalə edərək həmin anları videoya çəkib. Avtosfer.az xəbər verir ki, videogörüntü sosial şəbəkədə yayılıb.

Əldə etdiyimiz məlumata görə, hadisə 10-MV-990 qeydiyyat nişanlı "BMW" markalı avtomobildə qeydə alınıb. Videodan da göründüyü kimi, azyaşlının boyu sükana güclə çatır. Lakin avtomobildəki digər sərnişinlər bunu ciddi qəbul etmək əvəzinə, zarafatla yanaşıblar.

Qeyd edək ki, azyaşlıların sükan arxasına keçməsi təkcə qanun pozuntusu deyil, həm də faciəvi nəticələrə səbəb ola biləcək ciddi təhlükədir. Belə halların vərdişə çevrilməsi gələcəkdə daha ağır fəsadlara yol aça bilər. Belə ki, valideyn nəzarəti olmadan həmin azyaşlıların avtomobili özbaşına idarə etməsi riski də mövcuddur ki, bu da həm onların, həm də digər yol hərəkəti iştirakçılarının həyatını təhlükəyə ata bilər.

Fərid