Sumqayıtda yarışan avtobus sürücüsü qəza törətməkdən son anda xilas oldu - VİDEO

Sumqayıt şəhərində kobud qayda pozan avtobus sürücüsü avtomobilin videoregistratoruna düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Belə ki, 4 nömrəli müntəzəm marşrut xətti üzrə hərəkət edən 50-AE-751 dövlət nömrə nişanlı “Isuzu” markalı avtobusun sürücüsü qoşa xəttin tələbini pozaraq əks istiqamətli yola çıxıb. Bu vaxt sürücü həm avtobusdakı sərnişinləri təhlükəyə atıb, həm də qarşı tərəfdən gələn avtomobillərə qəza şəraiti yaradıb. Hətta o, görüntünü qeydə alan alan maşınla toqquşmaqdan son anda xilas olub.

Qayda pozan sürücünün önündəki avtobusu ötmək üçün təhlükə saçdığı kadrda aydın şəkildə əks olunub.

Nərmin