Yeni Yasamalda “Changan” döngəni kəsib hərəkəti çətinləşdirdi - FOTO

Paytaxtın Yasamal rayonu, Yeni Yasamal yaşayış massivində qayda pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına fotoşəkil göndərib. Xoşagəlməz hadisə oktyabrın 2-də səhər saatlarında Əsəd Əhmədov küçəsində qeydə alınıb. Belə ki, 77-GZ-773 dövlət nömrə nişanlı “Changan” markalı avtomobilin sürücüsü dayanma-durma qaydasını pozub. Fotodan göründüyü kimi, o, avtomobili döngədə park edərək sürücülərin hərəkətinə çətinlik yaradıb. İzləyicinin iddiasına əsasən, maşın uzun müddət ərazidə qalıb. 

Xatırladaq ki, nəqliyyat vasitəsini döngələrdə, körpü üzərində, tuneldə, yolayrıcında, piyada keçidlərində və s. dayanmaq qəti qadağandır.  Avtomobili döngədə saxlamaq digər hərəkət iştirakçılarının görünmə bucağını məhdudlaşdırır və qəza riskini xeyli artırır.

Nərmin