Yola necə gəldi çıxan sürücü görün necə qəza riski yaratdı - VİDEO

Yol hərəkəti qaydalarını pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə sentyabrın 26-da, saat 17:01 radələrində qeydə alınıb. Belə ki, 77-CT-808 dövlət nömrə nişanlı “BMW” markalı avtomobilin sürücüsü yola diqqət yetirmədən hərəkətə başlayıb. Nəticədə o, sağ tərəfdən gələn nəqliyyat vasitəsinə qəza şəraiti yaradıb. Xoşbəxtlikdən, görüntünü qeydə alan avtomobilin sürücüsü vaxtında dayanaraq qəzanın qarşısını ala bilib.

Qanunvericiliyə görə, sürücü hərəkətə başlamazdan əvvəl avtomobilin qarşısında və arxasında təhlükə olmadığından əmin olmalıdır. “Yol hərəkəti haqqında” Qanunun 53-cü maddəsinə əsasən, manevr edən sürücü digər nəqliyyat vasitələrinin və piyadaların hərəkətinə mane olmamalıdır.

Bir sözlə, hər bir sürücü hərəkətə başlamazdan əvvəl güzgülərə baxmalı, dönmə siqnalı verməli və ətrafdakı vəziyyəti tam qiymətləndirməlidir.

Nərmin