15 litr yancağa 200 manat ödəyən sürücü təqsirkar hesab edildi

Fransanın Tuluz şəhərinin sakininin başına maraqlı iş gəlib.
Avtosfer.az xəbər verir ki, yaşlı kişi gecə vaxtı yanacaqdoldurma məntəqəsinə gələrək 15 litr yanacaq doldurur (BİR HAŞİYƏ ÇIXAQ Kİ, BİZDƏN FƏRQLİ OLARAQ AVROPADA YDM-LƏRDƏ ÖZÜNƏXİDMƏTDİR) və kartla pulu ödəyir. 
Yaşlı kişi  səhər kartını yoxlayarkən hesabından 120 avro (təxminən 200 AZN) çıxdığını görüb qəzəbli halda yanacaq doldurduğu yerə qayıdır. O, hesabda xəta olduğunu iddia edərək pulunu tələb etsə də, məntəqənin müdiri onu belə demək mümkünsə borclu çıxarır. Müdir bildirir ki, 1 litr yanacağın qiyməti 7,77 avro (təxminən 13 AZN) müəyyən edilib və heç bir xəta yoxdur. Üstəgəl, YDM-in işçiləri gecə vaxtı məntəqənin girişinə dəmir baryer qoyaraq evə gediblər. Yaşlı kişi isə bu maneəni kənara çəkərək avtombilin çənini doldurub. Bu isə qanunvericiliyə görə “xüsusi mülkiyyətə müdaxilə” hesab edilir və cinayət məsuliyyəti yaradır.

Vüqar