Avtomobillərin daşıma xərclərində BAHALAŞMA - AÇIQLAMA

Yazarlar 6 Dekabr 2022 16:29 Oxunub 622
Avtomobillərin daşıma xərclərində BAHALAŞMA - AÇIQLAMA
WhatsApp kanalımıza abunə ola bilərsiniz

“Rusiya-Ukrayna müharibəsi bitəndən sonra daşıma xərcləri əvvəlki qiymətə qayıtsa da, Azərbaycanda bu vəziyyət nəzərə alınmayacaq”.

Bu sözləri xaricdən alınaraq ölkəmizə gətirilən avtomobillərin daşıma xərclərinin kəskin bahalaşmasına münasibət bildirən nəqliyyat eksperti Elməddin Muradlı Yenicag.az-a açıqlamasında deyib.

Onun sözlərinə görə, avtomobillərin daşıma xərclərinin artmasının başlıca səbəbi beynəlxalq arenada yaşanan proseslərlə bağlıdır:

“Təkcə Amerikadan deyil, digər ölkələrdən gətirilən avtomobillərin də daşıma xərclərində bahalaşma müşahidə olunur. Ümumilikdə nəqliyyat və logistika sahələrinin hər birində qiymət artımı mövcuddur. Bunun başlıca səbəbi Rusiya-Ukrayna müharibəsidir. Müharibə müxtəlif istiqamətlərdən daşıma məsafəsini uzadıb, vaxt itkisinə səbəb olub və eyni zamanda təhlükə də böyükdür.

Gəmi kapitanları yüklərin daşınması üçün daha böyük məbləğ tələb edirlər. Bu baxımdan Azərbaycanda da bahalaşma yaşanır. Sözsüz ki, bu bahalaşmanın avtomobillərin qiymətinə təsiri qaçılmazdır. Yəni bir avtomobilin daşınmasında 1000 dollar xərc yaranırsa, alverçi həmin məbləği 1700 deyil, 2000-2500 dollar şəklində qiymətə əlavə edərək avtomobili baha satır. Bu isə heç də yaxşı tendensiya deyil.

Təəssüf ki, ölkəmizdə qiymətlər bahalaşandan sonra qarşıdakı dövrdə ucuzlaşması üfüqdə görünmür. Ona görə də Rusiya-Ukrayna müharibəsi bitəndən sonra daşıma xərcləri əvvəlki qiymətə qayıtsa da, Azərbaycanda bu vəziyyət nəzərə alınmayacaq”.

ŞƏRH YAZ
Ad

E-mail

Şərh