Bakıda binanı hasara aldılar, sakinlərin yolu kəsildi - Parkinq tikən kimdir? - VİDEO

Yaşayış binasının ətrafının  hasarlanması ilə bağlı görüntülər oxucular tərəfindən Avtosfer.az-a göndərilib. Belə ki, Azadlıq prospekti 127/131-də yerləşən 9 mərtəbəli binanın ətrafının hasarlanması girişi qeyri-mümkün edib. Sakinlər binaya daxil olmaq üçün qısa məsafəni uzatmalı olurlar. Nəticədə hasarın iki tərəfi sakinlər tərəfindən çıxarılaraq binaya girişi asanlaşdırıb.
Parklanma üçün nəzərdə tutulan ərazi hasarlanaraq bir neçə yaşayış binasını blokadaya salıb.
Həmin ərazidə yerləşən ağaclar kəsilib. Qazıntı işləri bina sakinlərinin etirazından sonra dayandırılıb.
Bina sakininin sözlərinə görə, müvafiq strukturlara məsələ ilə bağlı mürəciət ediblər. Cavab olaraq isə, məlumatlarının olmadığını və araşdıracaqlarını qeyd ediblər.
Sakinlər aidiyyatı qurumların məsələ ilə bağlı tədbir görməsini istəyir.

Videonu təqdim edirik:

Nəzrin Sailqızı