Bakının baş planında ictimai nəqliyyatın inkişafı ilə bağlı tədbirlər nəzərdə tutulur - EKSPERT DANIŞDI - FOTO

“Son zamanlar ardı-arası kəsilməyən tıxacla bağlı mübarizə tədbirləri yalnız ictimai nəqliyyatın inkişaf etdirilməsi ilə müsbət nəticə verə bilər”. Bu sözləri SİA-ya açıqlamasında yol hərəkəti qaydaları üzrə ekspert Elməddin Muradlı bildirib.

Onun sözlərinə görə, Bakının baş planında və digər layihələrdə paytaxtımızda ictimai nəqliyyatın inkişafı ilə bağlı tədbirlər nəzərdə tutulur. Xüsusilə də metronun stansiyalarının sayının iki dəfə artırılması məsələsi də olduqca aktualdır. Eyni zamanda tramvayların bərpa edilməsinin də təxminən 2040-cı ilə qədər həyata keçirilməsi gözlənilir. Bunlarla paralel olaraq təbii ki, avtobusların da sayı artırılmalıdır və xüsusi zolaqların çəkilməsi prosesi genişləndirilməlidir. Sözsüz ki, yekunda isə taksi fəaliyyətini də qaydaya salmaq lazımdır”.