Benzinin bahalaşmasının şok səbəbi: hüquqşünasdan AÇIQLAMA

"Premium markalı (Aİ-95) benzinin qiymətinin ciddi şəkildə (25 %) bahalaşmasının iqtisadi əsaslandırılmasının nə dərəcədə səmimi və obyektiv olduğunu bir kənara qoyaq.

Bu məsələdə əmin olduğum başqa bir həqiqət var."

Avtosfer.az xəbər verir ki, bunu hüquqşünas Ərşad Hüseynov deyib. O, bildirib ki, kimlərsə yollarda fərdi avtomobillərin sayının artmasının qarşısını həm də bu üsulla – yanacağı bahalaşdırmaqla almaq istəyir. "Lakin bu çox yanlış yanaşmadır. Fərdi avtomobillərdən istifadəni azaltmaq üçün ictimai nəqliyyatı inkişaf etdirmək, mikromobillik (velosipeddən nəqliyyat kimi istifadə və s.) üçün münbit zəmin yaratmaq lazımdır. Yanacağın qiymətinin artması yalnız yeni və daha ağır problemlər doğura bilər."