Duman faraları ilə bağlı qadağa ləğv edilməlidir - Faraların adi halda da yanması vacibdir

Bizim "Yol hərəkəti haqqında" qanunda bəzi gülməli və lazımsız məqamlar var. Elə mənasız məsələlər qanunda ilişib qalıb ki, adamı gülmək tutur. Məsələn, qanunun 73-cü maddəsi tələb edir ki, duman faralarından yalnız dumanlı havada, yağış-qar yağanda və ya digər buna bənzər hallarda istifadə etmək lazımdır. Yoxsa cərimə düşür. Yəni, İnzibati Xətalar Məcəlləsinin 329.3-cü maddəsinə əsasən, 30 manat cəzası var.
Amma baxın görün dünyada nə baş verir? Son illər istehsal olunan avtomobillərin 95 faizində gündüzlər də led fənərlər yanır. Bəzilərində duman işıqları aktivdir. Mühərrik işə düşən kimi həmin işıqlar avtomatik yanır. O zaman bu mənasız qadağa nəyə lazımdır? Əksinə, duman faralarının və ya led fənərlərin yanması yol hərəkəti təhlükəsizli baxımından olduqca əhəmiyyətlidir. Ən azından digər nəqliyyat vasitələrinin sürücüləri faranı və ya fənəri daha tez görür və manevr zamanı daha diqqətli olurlar. Nə qədər olmasa da sağdan-soldan ötənləri, arxadan gələnləri daha tez görmük sürücü üçün faydalıdır.
Ümimiyyətlə, duman faralarının gündüz və ya gecə yanmasının, eləcə də dumanda yanıb-yanmamasının heç bir mənası yoxdur. Yəni bunu qanundan rəddə eləmək lazımdır. Dumanda istifadə tələbi mütləq olaraq qalmalıdır. Digər hallarda sürücülərə sərbəst seçim imkanı verilməlidir.
Deyə bilərəm ki, duman faralarının yanılı halda olması əksinə, yol hərəkəti təhlükəsizliyi baxımından faydalıdır.
Əminəm ki, duman farasını dumansız yolda qoşduğuna görə indiyədək hansısa sürücüyə cərimə yazılmayıb. Olsa da ildə bir-iki nəfərə yazıla, ya yazılmayadır. Belə olan halda belə mənasız tələbləri qanundan çıxarıb daha faydalı məsələləri əks etdirmək olar.
Gələn dəfə səs siqnalından istifadə ilə bağlı məsələyə toxunacam. Burada da qeyri-ciddi və mənasız tələblər var...

Elməddin Muradlı