Həqiqətdən kənar hər şey öz dəyərini itirir - General Həsən Şirinov
Yazarlar 5 Dekabr 2022 18:00 Oxunub 2820
Həqiqətdən kənar hər şey öz dəyərini itirir - General Həsən Şirinov

Ötən ay Bakıda yol hərəkəti təhlükəsizliyi ilə bağlı geniş rezonans doğuran məqalə ilə çıxış edən general-mayor Həsən Şirinov bir çox təkliflər irəli sürmüşdü. Biz onunla görüşüb geniş müsahibə almaq istəsək də, general bundan imtina etdi. Müsahibədən imtina edən general Həsən Şirinov problemləri müzakirə etmək əvəzinə dövlətdə böyük xidməti olmuş insanları üz-üzə qoymaq cəhdini kökündən yanlış hesab edir. Bununla bağlı onun “Həqiqətdən kənar hər şey öz dəyərini itirir” yazısını təqdim edirik:

***

Bilirsinizmi, ümümxalq məsələlərin həllində, bilə-bilə problemlərdən yayınıb şəxsi mövqe sərgiləmək yolverilməzdir… Məncə, bu məsələdə, ictimaiyyəti narahat edən, yol hərəkət iştirakçılarının təhlükəsiz və fasiləsiz hərəkətini təmin etməyən yol qovşaqlarındaki mövcud nöqsanlara bir daha aydınlıq gətirmək, tıxacların  yaranma səbəblərini qeyd etmək, onların aradan qaldırılması yollarını göstərmək, tənqid yox, əksinə, aidiyyatı təşkilatlara kömək, xalqa xidmətdir. Bu, alqışlanmalıdır! Burada hər kəs öz fikrini deyə bilər. Amma, gərək şəxsi düşüncəyə yox, ümumxalq rəyinə, həqiqətə, Qanuna söykənsin.
Allahın, "Qurani-Kərim"də bəşərə, insanlığa aid etdiyi ümumi dəyərlər, haqq, ədalət, dürüstlük, imanlılıq mütləqdir! O, haqq yoludur! Baxış bucağı fərqli olsa da, hədəf bir olmalıdır. O hədəfə gedən yol, insanlıq ölçü vahididir! Kim nə qədər o hədəfə yaxınlaşa bilirsə, bir o qədər də  insanlığını nümayiş etdirmiş olur. Ən böyük vəzifə insanlıqdır!  Ehtiyac içində yaşayanlar üçün həmişə vicdanlı olmaq çətin olsa da, vicdanlı olmaqdan gözəl peşə, ədaləti qorumaqdan böyük vəzifə yoxdur. 
Həqiqətdən kənar hər şey öz dəyərini itirir, “hamı kimi olmaq”, “fərqlənməmək” tələbi, bəzən, qaçılmaz  olsa da, baxmayaraq ki, dəli çox olan yerdə, ağıllı dəli hesab olunur, mən həmişə haqqın tərəfində duran azın yanında olmuşam. Çünki, Allahın razılığı olaraq, bir kimsəsiz məsumu sevindirməkdən aldığım ləzzəti heç nədən almıram. 
Ayrı-ayrı əsrlərdə yaşasalar da, insanları bir- birinə sevdirən, onların fikirlərinin üst-üstə düşməsi, həyata baxışı, düşüncələrinin eyni olmasıdır. Ona görə də, çox sevdiyim və öz adını dünya tarixinə qızıl hərflərlə yazdıran Benjamin Franklinin bir tövsiyəsini oxuculara xatırlatmaq istəyirəm…
Benjamin Franklin: “...qəzet naşiri kimi mən, həmişə calışmışam ki, şəxsiyyətə qarşı yönəlmiş böhtan və iftiralara yer verməyim. Naşirlərin əksəriyyəti heç bir vicdan əzabı çəkmədən, aramızda olan ləyaqətli insanlara qarşı şər-böhtan yazıları sifariş edənlərin xidmətində dururlar. Bunları yada salmaqla, gənc naşirləri xəbərdar etmək istəyirəm ki, dövri mətbuatlarını zəhərləməsinlər və öz sənətlərini mənfur hərəkətlərlə hörmətdən salmasınlar.”


“Qızıl Qələm” mükafatı laureatı, general Həsən Şirinov

 

 

FOTO QALEREYA
ŞƏRH YAZ
Ad

E-mail

Şərh