Hüquqşünas etibarnamə ilə bağlı mübahisəyə son qoydu - VİDEO

Etibarnamə olmadan ər-arvad nikah şəhadətnaməsi ilə bir-birinin avtomobilini idarə edə bilər? Bu mübahisəli məsələyə hüquqşünas Ərşad Hüseynov son qoydu. Hüquqşünas “Düzgün Hərəkət” verilişində dinləyicinin sualına cavab olaraq bildirib ki, istənilən əşyadan, o cümlədən avtomobildən istifadə, ona sahiblik, sərəncam hüququ ilə bağlı məsələlər Mülki Məcəllə ilə tənzimlənir. Mülki Məcəllənin 225.1-ci maddəsinə əsasən ər-arvadın nikah dövründə əldə etdikləri əmlak onların ümumi mülkiyyətidir: “Ümumi mülkiyyət o deməkdir ki, onların hər ikisinin mülkiyyətidir. Hər ikisinin əmlak üzərində  mülkiyyət hüququ var. İnzibati Xətalar Məcəlləsi və “Yol hərəkəti haqqında” qanun da deyir ki, sürücü idarə etdiyi  nəqliyyat vasitəsinə sahiblik hüququna malik olmalıdır. Bu  adam həyat yoldaşının avtomobilini idarə edirsə, həm də onun özünün əmlakıdır.  Deməli özünün heç bir istisnasız, heç bir məhdudiyyətsiz sahiblik hüququ var. Özünün sahibliyində olan əmlakı idarə etmək üçün isə hansısa etibarnaməyə və ya digər sənədə ehtiyac yoxdur. Eyni müddəa Ailə Məcəllləsində də  təsbit olunub” – deyə Ərşad Hüseynov bildirib.

Ərşad Hüseynovun tam açıqlamasının video şəklində təqdim edirik:

Yunis