Piyada keçidlərində təhlükəsizlik artırılmalıdır - Ekspertdən TƏKLİF

Bakıda piyada keçidlərində baş verən yol-nəqliyyat hadisələri son illərdə artmaqda davam edir. Təhlükəsizlik qaydalarına riayət olunmaması, sürücülərin və piyadaların diqqətsizliyi nəticəsində bu keçidlərdə ciddi qəzalar baş verir.

Mövzu ilə bağlı nəqliyyat eksperti Rauf Ağamirzəyev təəssüflə bildirdi ki, ölümlə nəticələnən qəzaların sayı hələ də yüksəkdir:

“Düşünürəm ki, yol hərəkətində ən qorunmayan üzv piyadalardır. Piyadaların təhlükəsizliyini təmin etmək üçün ciddi təftiş işləri aparılmalıdır. Şəhər daxilində eyni səviyyəli, svetafor ilə nizamlanan keçidlərin sayı artırılmalıdır. Əgər yol 2 zolaqdan genişdirsə, təhlükəsizlik adacığı və kontrast işıqlanma ilə təmin olunmalıdır. Ən əsası, bu keçidlərə doğru yönələn səkilərin vəziyyəti təftiş edilməli və qarşısındakı bariyerlər aradan qaldırılmalıdır. Şəhərdən kənar, sürətli yollarda isə müxtəlif səviyyəli müəssər keçidlər inşa edilməlidir”.(redaktor.az)