Bu sürücülərə qarşı silsilə reydlər başladı - VİDEO

Bakıda dövlət qeydiyyat nişanı olmadan və əlavə konstruskiya dəyişkiliyi edərək avtomobilin ön hissəsini yuxarı qaldıraraq idarə edən sürücülərə qarşı silsilə reydlər başlanılıb.

Bakı Şəhər Baş Polis İdarəsindən Avtosfer.az-a verilən məlumata görə, bu cür sürücülərin xüsusilə toplaşdığı ərazilərdən biri olan metronun “Memar Əcəmi” stansiyası yaxınlığında 15-dən çox avtomobil saxlanılıb. İdarənin baş inspektoru Araz Əsgərli bildirib ki, həmin ərazidə yol hərəkəti qaydalarını davamlı şəkildə pozmaqla ictimai asayişi pozan şəxslərlə bağlı tədbirlər mütəmadi aparılır: 

“Bir sıra sürücülər tərəfindən kobud qayda pozuntuları aşkarlanıb. Bildiririk ki, bu cür proseslərin qarşısı çox kəskin formada alınacaq və ətrafdakı insanlara narahatçılıq yaradan, ictimai qaydaları pozmaqla vətəndaşımız üçün təhlükəli vəziyyət yaradan hər kəsə qanun çərçivəsində tutarlı formada tədbirlər davam etdiriləcək. Avtomobili nömrəsiz, pn hissəsni qaldıraraq cəmiyyətə nümayişkəranə şəkildə hörmətsizlik edərək sürən sürücülərə bir daha xəbərdarlıq edirik”.