Yol polisi yeni dərs ili ilə bağlı tədbirlərə başladı - FOTO

Polis yeni tədris ilində şagirdlərin təhlükəsiz hərəkətinin təmini məqsədilə tədbirlər həyata keçirir

DİN Mətbuat Xidmətinin Lənkəran regional qrupundan Avtosfer.az-a verilən məlumata görə, yeni tədris ilinin başlanması ilə əlaqədar yollarda hərəkətinin təhlükəsizliyinin təmini istiqamətində keçirilən tədbirlərin daha da gücləndirilməsi məqsədilə polis profilaktiki işləri davam etdirir.

Məktəblilərin iştirakı ilə baş verən yol nəqliyyat hadisələrinin qarşısının alınması, azyaşlıların həyat və sağlamlıqlarının qorunması polisin qarşısında duran əsas vəzifələrdəndir.

Bu istiqamətdə görülən tədbirlər çərçivəsində BDYPİ-nin “Siqnal” idarəsinin və Biləsuvar RPŞ-nin dövlət yol polisi bölməsinin əməkdaşları tərəfindən şəhər ərazisindəki bütün küçə və prospektlərdə hərəkət marşrutlarında yol şəraiti müayinə edilərək bir sıra işlər görülür. Bura yol nişanlarının yenilənməsi, yeni piyada keçidlərinin çəkilməsi, cizgilənmə işlərinin aparılması və digər işlər daxildir.