"Polisə düşmən kimi yanaşmaq lazım deyil" - Araz Əsgərli

“Polis xidməti maşınında ratsiya ilə danışa bilərsə, demək ki, telefonla da danışa bilər. Müasir ratsiya elə həmdə telefondur. Polisə bu imkanlar elə  operativ olmaq üçün verilir. Hadisə baş verdikdə əlaqə saxlayıb, dərhal müdaxilə edə bilsin bu gün bu müzakirələr əslində məlumatsızlıqdan cəmiyyətimizdə müzakirə olunur.
Avtosfer.az xəbər verir ki, bunu Bakı şəhər Dövlət Yol Polisi İdarəsinin əməkdaşı, polis mayoru Araz Əsgərli deyib. O, bildirib ki, xidmətdir elə olur ki zərurətlər, dərhal müdaxilələr bəzən qaçılmaz olur. "Həmişə demişik polis mürəkkəb şəraitdə çevik qərar qəbul etməyə borclu olan orqandır. Mobil telefonla əlaqə yaratmaq isə tam qanuni və müzakirəyə ehtiyac olmayan bir reallıq və aksiyomadır. Məntiqlə düşünək bəlkə ratsiyada problem yaranıb və ya zəng olunası adamın ratsiyası cavab vermir və ya heç ona xidməti zərurət olmadığı üçün ratsiya təhkim olunmayıb. Baxın bütün mobil operatorlardan belə operativ xidmətlərə zənglər ödənişsiz və fasiləsizdir. Yəni sadə vətəndaş üçündə ekstremal şəraitdə qanun pozuntusu ola biləcək vəziyyətlərdə belə  hüquqi qiymət verilərkən son zərurət halı kimi buna icazə verir. Bunlar mənim şəxsi fikrim deyil sadəcə qanunları düzgün bilmək məsələlərə savadlı formada qiymət verməyi bacarmalıdır cəmiyyətimiz. Bəli kimsə polis formasında oturub şəxsi maşınında telefon qulağında danışırsa, bu halda o qayda pozuntusudur”.

Araz Əsgərli əlavə edib ki, polisə, hərbi qulluqçuya bəzi hallarda “düşmən”kimi yanaşmaq lazım deyil dövlət və dövlətçilik prinsiplərini klavyatura qəhrəmanlarının müzakirəsində dərk etmək və fikir formalaşdırmaq baxın bu əsl faciədir.
“Polisi və qanun keşikçilərini müzakirə etmək onları nüfuzdan salmaq üçün aparılan propaqandaların heç kimə xeyri yoxdur . İnsanlarımız ümumilikdə cəmiyyətimiz özləri qanuna riayət etməyin təbliğatını aparmağa maraqlı olmalıdır ki sivil cəmiyyət formalaşdıra bilək. Polis və digər operativ nəqliyyat vasitələri həmçinin, YPX əməkdaşları  kəmər taxmaya da bilər. Təcili bir hadisədə kəmər bağlana, kilidlənə bilər. Bu əslində üstünlük deyil əksinə aperativ sahələrdə olan insanların əlindən alınıb xidmətə qurban verilən hüquqlarından biridir “.  Bir sözlə Polis kəmər taxmadı, xidməti maşınında telefonla danışdı” kimi fikirləri müzakirə etməkdənsə, öz təhlükəsizliyimizi və sağlamlığımızı qorumaq üçün qaydalara riayət edək və ən əsasıda hər kəs öz işi ilə peşəkar formada məşğul olsa bu  hamımız üçün daha faydalı olar."