Səbaildə atmosferi çirkləndirən sürücülər maarifləndirildi - VİDEO

Baş Dövlət Yol Polisi İdarəsi tərəfindən həyata keçirilən "Təmiz hava aylığı" çərçivəsində tədbirlər davam edir. Aylıq çərçivəsində xüsusi cihazlarla avtomobillərin ixrac etdiyi zəhərli qazların miqdarı ölçülür. 

Analoji aksiya bu gün Səbail rayon ərazisində həyata keçirilib.
Avtosfer.az-ın əməkdaşlarının iştirak etdiyi tədbir zamanı saxlanılan sürücülərə əsas məqsədin avtomobillərin istismarı nəticəsində atmosferə atılan qazlarını insanların sağlamlığına təhlükə yaratması eləcədə havanın çirkləndirilməsinin qarşısının alınması olduğu izah olunub.

Bildirilib ki, nəqliyyat vasitələrinin yanacaq sisteminə nəzarət etməklə, saz vəziyyətə saxlanılmalı və xaric olunan qazlarının tərkibi ekoloji təhlükəsiz normalara uyğun olunmalıdır. 

Sevindirici haldır ki, saxlanılan əksər sürücülərin avtomobillərində ixrac olunan zəhərli qazların miqdarı normalara uyğun olub. Normadan az artıq zəhərli qaz ixrac edən avtomobillərin sürücülərinə xəbərdarlıq olunub. Bəzi sürücülətin avtomobilləri ekoloji təhlükəsiz normalarına cavab vermədiyinə görə inzibati qaydada cərimələnib.