Şuşa polisi şəhid Nurlan Həsənovun ailəsini ziyarət ediblər - FOTO

Şuşa Rayon Polis Şöbəsinin əməkdaşları Azərbaycan Silahlı Qüvvələrinin leytenantı şəhid Nurlan Həsənovun ailəsini ziyarət ediblər.

Avtosfer.az xəbər verir ki, polis əməkdaşları ziyarət zamanı şəhidin ailə üzvlərini maraqlandıran məsələləri dinləyiblər. Həmçinin qarşıdan gələn yeni dərs ili ilə əlaqədar şəhidin övladını təbrik edib, dərslərdə uğurlar arzulayıblar. Bilik Günü münasibəti ilə məktəb ləvazimatları hədiyyə olunub.

Şəhidin ailə üzvləri göstərilən diqqətə görə polis əməkdaşlarına minnətdarlığını bildiriblər.

Qeyd edək ki, Şuşa şəhərində doğulan N.Həsənov Füzuli rayonu istiqamətində gedən döyüşlərdə şəhidlik zirvəsinə ucalıb. O, ölümündən sonra “Vətən uğrunda”, “Cəbrayılın azad olunmasına görə”, “Füzulinin azad olunmasına görə”, “Xocavəndin azad olunmasına görə” və “Cəsur döyüşçü” medalları ilə təltif olunub.