Xaçmaz polisinə içkili sürücünün atdığı böhtan barədə - DİN-dən AÇIQLAMA  - VİDEO

“Sosial şəbəkələrdə Xaçmaz Rayon Polis Şöbəsinin Dövlət Yol Polisi Bölməsi ilə bağlı yayılan məlumatlar həqiqətdən uzaqdır, böhtan və şantaj xarakterlidir.”

Bunu DİN-in Mətbuat Xidmətinin Quba regional qrupunun baş inspektoru, polis leytenantı Xəyal Talıbov Avtosfer.az-a açıqlamasında bildirib.

Onun sözlərinə görə YPX-nin inspektoru rayon ərazisində hərəkətdə olan Samir Fərzəliyevin idarə etdiyi avtomobili, onun sürücülük hüququnun məhdudlaşdırıldığına görə  nəzarət-yoxlama qaydasında saxlayıb. Araşdırma zamanı S.Fərzəliyevin idarə etdiyi avtomobilin hərəkətinə məhdudiyyət qoyulduğu müəyyən edilib.  Avtomobil qanunamüvafiq olaraq dərhal cərimə meydançasına gətirilib və S. Fərzəliyevin barəsində protokol tərtib edilib.   Həmin şəxsin,  "YouTube" video portalında DYP bölməsi barədə dediyi fikirlər özünü təmizə çıxarmaq və polis əməkdaşlarına şər yaxmaq məqsədi daşıyır.