Yasamalda yol polisi "Təmiz hava" aylığı ilə bağlı tədbirlər keçirir - FOTO - VİDEO

Yasamal rayon DYP Şöbəsinin və Ekologiya və Təbii Sərvətlər Nazirliyinin əməkdaşları “Təmiz hava” aylığı ilə əlaqədar tədbir keçirib. Avtosfer.az xəbər verir ki, tədbirin keçirilməsində məqsəd atmosferin avtomobillərin ixrac etdiyi qazların tərkibində olan zərərli maddələrlə çirklənməsinə nəzarətin gücləndirilməsi və təqsirkar şəxslər barəsində inzibati qaydada tədbirlərin görülməsidir.

“Təmiz hava” aylığı çərçivəsində Yasamal DYPŞ-nin əməkdaşları “Atmosfer havasının mühafizəsi haqqında” Azərbaycan Respublikası Qanununun tələblərinə əməl olunmasına nəzarət etmək məqsədilə sürücüləri saxlayıb və avtomobillər yoxlanılıb. 

Yoxlamaya cəlb olunmuş avtomobillərdən atmosferə atılan zərərli maddələrin miqdarının normativ həddən artıq olduğu aşkarlanan avtomobillərin sürücülərinə qarşı inzibati qaydada tədbir görülüb. Bəzi sürücülərə isə xəbərdarlıq edilib. 

Yasamal DYPŞ-nin rəisi, polis polkovnik-leytenantı Məmməd Əliyev bildirib ki, sürücülərin avtomobillərini saz vəziyyətdə saxlaması vacib amildir. Bu həm onların özlərinin, həm də cəmiyyətin sağlamlığı üçündür. 

Tədbirdən hazırlanmış reportajı təqdim edirik:

Orxan Əli