Yol polisi Salyanda cərimə olunan vətəndaşın iddialarına cavab verdi - VİDEO

Neftçala rayon sakini Nail Əsədovun videogörüntülərdə Salyan Rayon Polis Şöbəsinin Dövlət Yol Polisi Bölməsinin əməkdaşları tərəfindən əsassız yerə cərimə olunması, eləcə də polis əməkdaşları tərəfindən təhqirə və zorakılığa məruz qalması ilə bağlı səsləndirdiyi  iddialar həqiqəti əks etdirmir və böhtan xarakterlidir. 

Bunu Avtosfer.az-a DİN-in Mətbuat Xidmətinin Şirvan regional qrupunun baş inspektoru, polis baş leytenantı Nizam Həmidov deyib.
"Bildirmək istəyirəm ki, N.Əsədov barəsində nəqliyyat vasitəsinin ban şüşələrinə qanunla tətbiqinə icazə verilməyən örtüklərin çəkilməsinə görə İnzibati Xətalar Məcəlləsinin 342.2.4-cü maddəsinə əsasən protokol tərtib olunub və o, inzibati qaydada məsuliyyətə cəlb olunub. 
Saxlanılan zaman sürücüyə qarşı polis əməkdaşları tərəfindən hər hansı bir təhqiramiz ifadələr səsləndirilməyib,  zorakılıq hərəkətləri tətbiq edilməyib."