Yol polisi "Təhlükəsizlik aylığı"na start verdi - FOTO

Bu gün Şəki şəhər Dövlət Yol Polis Bölməsinin əməkdaşları Ekologiya və Təbii Sərvətlər Şöbəsinin nümayəndələri ilə birgə şəhər ərazisində təhlükəsizlik tədbiri keçiriblər. Avtosfer.az xəbər verir ki, qazanalizator cihazı vasitəsi ilə avtomobillərin mühərriklərindən çıxan işlənmiş qazlarda zəhərliliyin (CO) miqdarı yoxlanılıb, normadan artıq olan avtomobillərin sürücüləri barəsində inzibati tənbeh tədbirləri görülüb.

Dövlət Yol Polis Bölməsinin təbliğat və təşviqat üzrə inspektoru, polis baş leytenantı Tural Niftalıyev tərəfindən sürücülər arasında maarifləndirici söhbətlər aparılıb.

Tural Niftalıyev respublikada "Təmiz hava" aylığının keçirilməsinin məqsədi və mahiyyəti barədə müsahibə verib.