Ağdaş yolunda "protiv" gedib ölüm saçan sürücü CƏRİMƏLƏNDİ - YENİLƏNİB

Baş Dövlət Yol Polisi İdarəsindən Avtosfer.az-a bildirilib ki, qayda pozan sürücü Ağdaş rayon DYPŞ-nin əməkdaşları tərəfindən müəyyən olunub. 99-CE-494 dövlət nömrə nişanlı, "Mercedes" markalı yük maşınının sürücüsü Əzimov Rəvan Roman oğlu DYP-yə dəvət olunub. Sürücüyə müvafiq görüntülər təqdim olunub. Sürücü törətdiyi inzibati xəta ilə razılaşıb və barəsində 327.2-ci maddənin tələbi ilə protokol tərtib olunub.

_______________________________________________________________________________

Ağdaş-Göyçay yolunda qaydaları kobud şəkildə pozan yük maşınının videosu yayılıb. Avtosfer.az xəbər verir ki, 99-CE-494 dövlət nömrə nişanlı, "Mercedes" markalı yük maşınının sürücüsü əks istiqamətli yola çıxaraq təhlükə yaradıb. Qarşıdan gələn nəqliyyat vasitəsi qəzadan yayınmaq üçün yol çiyninə çıxıb. Yüksək sürətlə ötmə edən yük maşının sürücüsü isə heç nə olmamış kimi yoluna davam edib. Videonu təqdim edirik: